大肚嘅時候我好鐘意周圍Shopping，因為可以大條道理話「買嘢比BB」而狂掃貨，我一向唔算係購物狂，但買BB嘢真係停唔到手！！！

當時亦好多人同我講要珍惜自由嘅日子，因為一生完BB就無好唔得閒，會少咗好多行街、做Facial或者同朋友見面嘅時間……的確，生完之後想落街買碗米線都要左諗右諗，天氣好又怕太熱令將軍成身汗出熱痱（已經出過一次了），天氣唔好就更加唔會帶BB出去淋雨吹風啦，而且BB出一出街要準備好多嘢，香港咁逼，推住BB車行街真係怕阻到人又辛苦自己，所以呢五個月以嚟，我愛上咗網購！

除咗必需品例如廁紙、洗頭水、洗潔精我一定網購之外，最近發現上網買BB嘢好爽好方便，Click幾下就送到去屋企，片段中嘅產品就係喺suchprice.hk度訂嘅。喺揀選產品嗰陣，我仲發現咗一件傷心嘅事，就係我之前喺百貨公司買比將軍嘅#Comfi嬰兒呼吸定形枕，我用大約$280買返嚟，個Promoter仲話已經折咗比我，結果我喺suchprice.hk見到賣緊$245！發現自己買貴咗，即刻睇埋揹帶價錢，嘩！我$1,900買返嚟，佢哋賣$1,5XX？！媽媽玻璃心，碎到一地都係……

我不斷安慰自己：「平咁多？一定有嘢唔妥，你呃我唔到。」結果我就揀兩件貨試一試，試完我諗好難返轉頭，訂完大約一星期就送到，仲要送貨員勁有禮貌、貨物包裝完整無缺又唔污糟。 （之前試過某啲網購，一拆開有蟲，而家屋企有BB，我真係唔敢再喺嗰個網買嘢）

今次我就揀咗#Jellymom Wise Chair 韓國多功能便攜式安全餐椅 同埋 #BenBat Headrest旅遊小朋友頸枕，好唔好用？用文字好難表達嘅，即刻睇片啦！

除咗BB嘢，仲有其他電器、傢俱、美容同健身用品，喂連啞鈴都有，送貨員真係一份偉大嘅工作，大家都係打工仔，收貨時要對人好啲啊～
如果你都睇啱Jellymom & BenBat嘅產品想訂，入呢個Discount Code再平啲架喂：C05%OFFJUL (有效期由即日起至7月31日)

立即選購>
BenBat：https://goo.gl/XXJ2mc
Jellymom：https://goo.gl/KW552r